台北喪食自由行 Day2 - 刷刷鍋

食完左個酒店buffet 早餐之後，我同老婆就去左台北師範大學附近小巷。因為止次黎台北，朋友帶過我地去一間書店。原本已經比香港平既台灣書，因為我台灣既朋友同老板好熟，上次打左個勁折比我地，仲幫我買既書簽名留念。呢轉去，都想買番堆書返香港睇下!

間書店在唔知邊條小巷之內。上次朋友帶我地去，因為佢未開門，佢就帶我地遊覽師範大學校園。之後再去書店佢都未開門，佢就再帶我地去飲野，一共行左好多次唔同既小巷。

由於上一次有朋友帶路，呢次就靠我地自己。可能因為上次行左太多小巷，我地行左好耐、搵左好耐都係搵唔到間小書店。行下行下.....見到間火鍋店好似好好味，於是我地就中左入去開餐!!

呢次喪食之行，發現台北有好多火鍋店，唔知係咪呢期興呢??  台灣既火鍋店，台外多數都有"刷刷鍋"既字眼，個名好似好怪，我估可能係由日本既SabuSabu演變而黎! 幾年前仲喺L.A.既時候，都耐唔屎同朋友去 J-Town (日本城)度食下野。成個格局同台北既刷刷鍋好鬼似!

呢間野既收費一d都唔貴，可以佢平租掛。地點就係師範大學附近唔知邊條小巷之內。食物質素都算過得去!

刷刷鍋

環境尚可，都算乾淨

個爐嵌入桌面，一人一爐。

水滾喇~~

一人一份必選刷刷鍋基本配料

仲有白飯任裝

醬料都係自助式。呢碟就係我既混醬!

我選既雪花牛肉。正!

我老婆選擇既海鮮套餐

混ing

食店內既裝修都有幾種唔同既Style

佢都算捨得揼本裝修

地址係邊? 自己睇啦!

飽餐之後，梗係整番個甜品啦!

飲埋杯Cola 就順晒條氣!